pane
verum corpus & sub vino verum sanguinem Christi dignis &
indignis improbamus & detestamur.
VII.
Duplex est ergo manducatio corporis Christi, una est
signorum, quae fit ministerio oris, Haec alias vocatur sacramentalis,
& est communis piis & impiis & haec neminem iustificat.
Altera est signatorum id est omnium bonorum Christi sacrificio
partorum.. Haec alias vocatur Spiritualis & coelestis, & fit
tantum per solam fidem in promissione, & est tantum piorum. De
hac manducatione hoc loco loquimur.
VIII.
Est autem spiritualis manducatio, Christum vera fide in
promissione cum sua carne & bonis omnibus, Spiritus sancti ope
appraehendere, ut tanquam ex fon te vivo salutem, iustitiam &
vitam de Christo hauriamus & applicemus animae nostrae. Sicut
enim palmites a vite & membra à capite naturaliter &
realiter vitam & vigorem accipiunt: ita pii per Spiritus Sancti
operationem fide Christo insiti accipiunt ab eo vitam spiritualem,
remissionem peccatorum, iustitiam, salu-
tem & vitam aeternam.
IX.
Sciendum est autem
ad integritatem huius Sacramenti coenae Dominicae semper tria
haec necessario requiri.Primum elementa ipsa, deinde verba
promissionis.Tertio legitimum usum iuxta institutionem Christi.
X.
Quia vero in hac materia praecipua quaestio est de