Hunc ergo cibum non nisi fide edimus & hunc potum
non nisi fide bibimus Ioan. 6. v. 35. Corpus enim Christi non
manducatur ore corporis, nec in pane coenae continetur, similiter &
sanguis Christi, quia supra omnes coelos ascendit ubi etiam contineri
debet usque ad diem iudicii
iuxta Symbolum fidei: unde venturus est iudicare &c.
XIII.
Porro fide edere carnem Christi & fide bibere
sanguinem Christi est certo & firmiter credere promossioni
divinae, quae testatur carnem Christi pro nobis esse crucifixam, &
sanginem Christi pro nobis esse effusum in remissionem peccatorum.
XIV.
Causae finales
Coenae Domini sunt I. ut sit signum foederis Dei in Christo de
nostri reconciliatione. Heb. 10. v. 28. & 29. & 13. v. 2o.
II. ut mortem Christi nobis in me moriam revocet & beneficiorum
ipsius nos certos reddat. III. Ut sit testimonium remissionis
peccatorum nostrorum. IIII. ut
fidem nostram de veritate promissionum divinarum in Christo
confirmet. V. ut Christo nos fortius uniat & vitam spiritualem in
eo foveat & perpetuo conservet &c. VI. ut sit Symbolum &
vinculum fraternae dilectionis. VII. Vt sit exercitium gratiarum
actionis. VIII. ut sit Symbolum professionis nostrae ab impiis nos
discernens &c.
XV.
Hac Coena Domini debemus uti cum praeiudicio &
nostri probatione ut Apost. monet I. Cor. II. quae probatio consistit
I. in vera intelligentia Christianae religionis seu praecipuorum
articulorum fidei nostrae, cum vero
sensu & vsu coenae Domini. II. In vera fide qua so-